Ердоған түрік болмысы мен мәдениетін, сондай-ақ елдің тарихы мен ұлттық құндылықтарын экранға шығаратын фильмдер, телехикаялар мен деректі фильмдердің әлем бойынша кеңінен танылып, үлкен сұранысқа ие екенін айтты.
Ердоған: «Қазіргі таңда халықаралық қауымдастық Түркияны түрік мәдениеті мен шынайы болмысын көрсететін фильмдер, телехикаялар, деректі фильмдер, цифрлық платформалар және мәдени іс-шаралар арқылы танып отыр. Бұл – еліміздің жұмсақ күшін арттыратын, халқымыздың жинақтаған мұрасы мен құндылықтарын әлемге танытатын, бізді өз болмысымызбен таныстыратын аса маңызды жетістік. Біз бұл жетістікті одан әрі нығайтуға бел будық», – деді.
Ердоған сөзін былай жалғастырды: «Түркия ғасырын» қалыптастыру жолында біз өркениеттік құндылықтарымыздан нәр алатын тағылымды баяндау дәстүрін, тереңнен тамыр тартқан тарихи жадымызды және болашаққа бағдар беретін кемел көзқарасты да жүзеге асырып келеміз. Үлестеріңіздің арқасында осы көзқарасты одан әрі дамытып, өсіп-өркендеп, қуаты артып келе жатқан Түркияның шежіресін әлемге бұрынғыдан да айқын әрі әсерлі жеткізе алатынымызға шын жүректен сенемін».
