БАҚ-та жарияланған мәліметтерге сәйкес, Пентагон АҚШ президенті Дональд Трамп Тегеранмен ықтимал бейбіт келіссөздерді талқылап жатқан кезде, әскери операцияларды күшейту мақсатында Таяу Шығысқа 10 мың әскер жіберу мүмкіндігін қарастыруда.
«The Wall Street Journal» басылымының хабарлауынша, Қорғаныс министрлігі өкілдері бұл жоспар жаяу әскер мен броньды техникаларды қамтитынын мәлімдеген.
Қосымша күштер аймаққа бұрыннан жіберілген шамамен 5 мың теңіз жаяу әскері мен 82-ші әуе-десанттық дивизияның мыңдаған парашютшілеріне қосылады.
Әскерлердің нақты қай жерге орналастырылатыны әзірге белгісіз. Алайда шенеуніктер олардың Иран аумағына және ел жағалауындағы маңызды мұнай экспорт орталығы саналатын Харг аралына жақын жерге орналасуы мүмкін екенін атап өтті.
Трамп АҚШ одақтастарының қолдауымен немесе қолдауынсыз Ормуз бұғазын ашуды мақсат етіп отырғанын жеткізді.
Ақ Үйдің баспасөз хатшысының орынбасары Анна Келли: «Әскер орналастыруға қатысты ресми мәлімдемелер Қорғаныс министрлігі тарапынан жасалады», – деді.
Сондай-ақ ол: «Президент Трампта әрдайым әскери нұсқалар бар», – деп қосты.
