ТҮРКИЯ
2 ... минут оқылды
НАТО-ның «Front Door» бастамасы Түркиямен қорғаныс ынтымақтастығын күшейтеді
Түркия Ұлттық қорғаныс министрлігі жергілікті қорғаныс компанияларына НАТО-ның сатып алу бағдарламаларына қатысуға және одақтың ортақ қаржысынан үлес алуға мүмкіндік беретін нұсқаулық жариялады.
НАТО-ның «Front Door» бастамасы Түркиямен қорғаныс ынтымақтастығын күшейтеді
НАТО-ның «Front Door» бастамасы Түркиямен қорғаныс ынтымақтастығын күшейтеді.

НАТО-ның жаңа «Front Door» бастамасы шамамен 5,3 миллиард еуро көлеміндегі ортақ қордың қолдауымен қорғаныс компаниялары мен одақ мекемелері арасындағы ынтымақтастықты жеңілдетуді көздейді.

Анкарада өткен НАТО саммитінде таныстырылған «Front Door» тетігі қорғаныс өнеркәсібі компанияларының НАТО-ның сатып алу және инновациялық жобаларына қатысуына мүмкіндік беретін бірыңғай кіру нүктесі ретінде әзірленді.

Түркия Ұлттық қорғаныс министрлігі отандық қорғаныс компанияларына НАТО-ның ортақ қорынан қаржы алуға көмектесу үшін сатып алу үдерістеріне қатысты арнайы нұсқаулық жариялады.

НАТО ортақ қор қаражатын басқару және бақылау жүйелері, бағдарламалық жасақтама, құрылыс жобалары мен киберқауіпсіздік сияқты маңызды қажеттіліктерді қаржыландыруға жұмсайды. Ал мүше елдер ұшақ пен кеме секілді ірі әскери техниканы өздері сатып алып,  одақ операцияларына пайдалануға береді.

Логистикалық жабдықтау желісін кеңейту

Жаңа «Front Door» бастамасы ірі қорғаныс компанияларынан бастап шағын кәсіпорындарға дейін әртүрлі көлемдегі ұйымдарға қызмет көрсетуді және НАТО-мен байланыс орнатуға арналған бірыңғай цифрлық платформа құруды көздейді.

Бастама сондай-ақ НАТО-мен ынтымақтастық үдерістерін жеңілдетіп, одақтың шығыс қанатындағы әскери күшейту шараларын және Жоғары дайындықтағы бірлескен жедел әрекет ету күшін (VJTF) қоса алғанда, НАТО-ның жедел әрекет ету күштерін қолдайтын логистикалық қамтамасыз ету жүйесін кеңейтуді мақсат етеді.

Тендер үдерісінің жеті кезеңі

Түркия Ұлттық қорғаныс министрлігі жариялаған нұсқаулықта түрік компанияларының НАТО тендерлеріне қатысуы үшін орындауы қажет жеті қадам көрсетілген.

Нұсқаулыққа сәйкес, компанияларда НАТО талаптарына сай нысанның қауіпсіздік куәлігі болуы, министрлікте тіркелуі, тендер мүмкіндіктерін тұрақты бақылап отыруы және тендерге қатысу үшін нақты жобаға қатысты сәйкестік құжатын алуы қажет.

 

Іздеу
Президент Ердоған COP31 аясында қарқынды дипломатиялық кездесулер өткізуде
«Көшбасшылардың COP31 саммитінде танытқан табандылығы Париж климаттық келісімі үшін үміт ұялатады»
Трамп қызметінен кетпес бұрын Куба мәселесін шешуді көздеп отыр
“Microsoft 365” қызметіндегі ақау әлі жойылған жоқ
Ресей мен Ауғанстан астық және энергетикалық жабдықтар жеткізу жөнінде келісімге келді
Бейбітшілік келіссөздерінің келесі кезеңі Еуропаның қатысуымен өтпек
Түрік Қызыл Жарты Ай қоғамы Босния және Герцеговинадағы мұқтаж жандарға 9,5 тонна көмек жеткізді
«АҚШ Орталық қолбасшылығы Иранға қайта шабуыл жасалуы мүмкін екенін ескертті»
ЕО: «Біздің қауіпсіздігіміз Украинаның қауіпсіздігіне тікелей байланысты екені анық»
АҚШ президенті Трамптың арнайы өкілдері Ресей президенті Путинмен кездесті
Иран: «АҚШ-тың Бахрейндегі  ерте ескерту радары жойылды»
Малатияда апатқа ұшыраған тікұшақтағы 4 әскери қызметкер шейіт болды
Түркия мен Қытай арасында жаңартылатын энергия саласында инвестициялық келісімге қол қойылды
Әзербайжан президенті Әлиев пен Украина президенті Зеленский Дублинде кездесті
Президент Ердоған Иран президенті Пезешкианмен кездесті