Түркия Республикасы Президенттік Коммуникация басқармасының жасаған мәлімдемесінде президент Режеп Тайып Ердоған мен Ресей президенті Владимир Путиннің сәрсенбі күні жүзеге асырған телефон әңгімесінде екіжақты қарым-қатынастар мен аймақтық және жаһандық көптеген мәселені талқылағаны хабарланды.

Коммуникация басқармасының Түркияның «NSosyal» әлеуметтік медиа платформасында жарияланған мәлімдемесіне қарағанда, Ердоған Қаратеңізде кеме қатынасының қауіпсіздігін қамтамасыз етуге бағытталған күш-жігерді жалғастырудың маңыздылығын баса айтты.

Түркия Ресей мен Украина арасындағы тікелей байланыстарды қолдайды

Ердоған Түркияның Ресей мен Украина арасында тікелей байланыстардың орнатылуына үлес қосуға дайын екенін білдіріп, Анкараның екі тарап арасындағы ықтимал дәнекерлік рөлін тағы да атап өтті.

Көшбасшылар сонымен бірге екіжақты қарым-қатынас пен кең ауқымды аймақтық және халықаралық оқиғалар төңірегінде пікір алмасты. Талқыланған тақырыптарға байланысты егжей-тегжейлі мәлімет берілмеді.

Әңгіме барысында Ердоған Путинді әрі туған күнімен, әрі партиясының Мемлекеттік дума сайлауындағы жеңісімен құттықтады.