ӘЛЕМ ЖАҢАЛЫҚТАРЫ
1 ... минут оқылды
Алжир француз тілінің орнына араб және ағылшын тілін қолдана бастады
Алжир Футбол федерациясы барлық бірлестіктеріне ресми хат-хабарларында мүмкіндігінше тезірек араб тілін қолдануды тапсырды.
Алжир француз тілінің орнына араб және ағылшын тілін қолдана бастады
/ AP

Франциямен арадағы шиеленістің күшеюіне байланысты Алжир мекемелері ресми және әкімшілік құжаттар мен байланыстарда француз тілінен ресми түрде бас тартып, оның орнына араб және ағылшын тілдерін таңдауда.

Бейсенбі күні жасалған мәлімдемеде елдің Футбол федерациясы өзіне қарасты барлық бірлестіктерге қызметін, хат-хабарын және байланысын «арабшаландыруды» тапсырғанын хабарлады.

Федерацияның бас хатшысы Назир Познад қол қойған 7 мамырдағы ресми хатта тәртіптік комитеттердің хаттамалары мен есептері, төреші тағайындаулары және апелляциялық комитеттің құжаттары араб тіліне аударылуға тиіс екені, сондай-ақ түрлі мекеме мен серіктестермен жазысатын барлық хаттарда мүмкіндігінше тезірек араб тілі қолданылуы міндетті екені айтылған.

Мәлімдемеде бұл «арабшаландыру» үдерісі 2025–2026 спорт маусымына дейін толық жүзеге асырылатыны көрсетілген.

"Дұрыс шешім"

Бұл қадам Алжирдің университеттердегі медицина білімінің тілін келесі оқу жылынан бастап француз тілінен ағылшын тіліне ауыстыру туралы шешімімен тұспа-тұс келіп отыр.

Өткен ай Алжир президенті Абделмаджид Теббун медицина саласында француз тілінен ағылшын тіліне көшу «дұрыс шешім» екенін айтып, бұл өзгерісті қолдайтынын білдірген.

Алжир мен Франция арасындағы дипломатиялық қатынастар, әсіресе 1830–1962 жылдар аралығында Францияның Алжирді отарлауынан туындаған шешілмеген мәселелерге байланысты, үнемі тұрақсыздықпен сипатталып келеді.

Францияның Ішкі істер министрі Брюно Ретайо Алжирдің мектептерде француз тілінің орнына ағылшын тілін қолдануға ұмтылуын жалғасып жатқан дағдарыстың себептерінің бірі деп атады.

Сарапшылардың пікірінше, Алжир француз тілінен бас тарту үдерісін 2019 жылдан бастап кезең-кезеңімен жүргізіп келеді.

Іздеу
Еуропаның бес елі мигранттарды Руандаға көшіруді жоспарлап отыр
АҚШ-та әуе қатынасындағы іркілістер әлі  жалғасуда
Ресейді соғысты жалғастыру үшін сылтау іздеп отыр деп айыптады
Ресей Украинаның 1300-ден астам ұшқышсыз ұшу аппаратын атып түсіргенін мәлімдеді
COP31 төрағасы: “Әр елдің даму жолы әртүрлі, бірақ болашағымыз ортақ”
АҚШ және 9 ел жасанды интеллект қауіпсіздігі саласындағы ынтымақтастықты нығайтады
Эстония 1 желтоқсаннан бастап Ресеймен шекарасын жабады
Израильде сайлау кезіндегі арандатушылыққа Нетаньяхудың қатысы бар деген күдік туды
«Түркия Палестинаны қолдауды жалғасырады»
НАТО-ның келесі саммиті Албанияда өтеді
Президент Ердоған: «Палестина күресін барлық мінберде қорғаймыз»
Президент Ердоған COP31 аясында қарқынды дипломатиялық кездесулер өткізуде
Украина Ресейдің Волгоград қаласына шабуыл жасады
«Көшбасшылардың COP31 саммитінде танытқан табандылығы Париж климаттық келісімі үшін үміт ұялатады»
Трамп қызметінен кетпес бұрын Куба мәселесін шешуді көздеп отыр