Түркия Президентінің жұбайы Емине Ердоған Дүниежүзілік су күніне орай суды пайдалану тиімділігін арттыру үшін көбірек күш салуға шақырып, су мәселесі көптеген ел үшін ұлттық аман қалу, қауіпсіздік және азық-түлікпен қамтамасыз ету мәселесіне айналғанын ескертті.
Жексенбі күні түріктің «NSosyal» әлеуметтік медиа платформасында жариялаған жолдауында Емине Ердоған барша елдің қазіргі уақытта су тапшылығына байланысты артып келе жатқан қатерлермен бетпе-бет келіп отырғанын айтты.
Ердоған: «Идеяларымызды, күш-жігерімізді және ізгі ниетімізді біріктіре отырып, еліміздің су тапшылығын бастан кешіп отырған елдердің біріне айналуына жол бермеуге болады», — деді.
Сонымен қатар Емине Ердоған суды үнемдеу бойынша хабардар болуды арттыруға шақырып, баршаны «суға құрмет, несібеге тағзым және өмірге деген сүйіспеншілік» қағидасымен әрекет етуге және суды пайдалану бойынша бүкіл ел көлеміндегі жұмылдыру шараларына қатысуға үндеді.
Дүниежүзілік су күні жыл сайын 22 наурызда Біріккен Ұлттар Ұйымы тарапынан тұщы су мәселесіне назар аудару және су ресурстарын тұрақты басқаруды ынталандыру мақсатында ұйымдастырылады.
