Мысырдың мемлекеттік бұқаралық ақпарат құралдарының хабарлауынша, Мысырда ХАМАС пен араағайын елдер арасында Газада бітім орнатуға бағытталған алғашқы келіссөз кезеңі нәтижелі аяқталды.
«Al-Qahera News» арнасының мәліметінше, келіссөз Қызылтеңіз жағалауындағы Шарм-эл-Шейх курортында өткен және келіссөз бүгін де жалғасады. Сондай-ақ Израиль делегациясы да жанама келіссөздерге қатысу үшін дүйсенбі күні қалаға келген.
Келіссөздер АҚШ президенті Дональд Трамптың ұзақ мерзімді бітім және Израиль мен ХАМАС арасында тұтқын алмасу туралы ұсынысы шеңберінде өтіп жатыр.
Нәтижелі орта
Мысыр дереккөздерінің мәліметіне қарағанда араағайын елдер мен ХАМАС арасындағы кездесулер нәтижелі өткен және кейінгі келіссөздер үшін жол картасын жасауға септігін тигізген.
ХАМАС өкілдері араағайын елдерге Газада Израильдің әуе шабуылдарының жалғасуы тұтқын алмасуға кедергі келтіріп отырғанын жеткізген. ХАМАС пен Израиль арасындағы жанама келіссөздер дүйсенбі күні кешке Мысыр, Катар және АҚШ-тың араағайындығымен басталды. Бұл келіссөздер өткен апта Трамп жарияланған жоспарды іске асыру үшін қажетті жағдай қалыптастыруды мақсат етеді.
Трамп: «Маңызды ілгерілеушілік бар»
Дүйсенбі күні кешке Ақ Үйде Трамп Газа жөнінде келісімге келу жолында «үлкен ілгерілеушілік бар» екенін айтты.
«Газа келісімі бойынша нәтиже өте жақсы деп ойлаймын», - деген Трамп ХАМАС-тың өте жақсы әрекет етіп жатқанын және маңызды шешем қабылдағанын атап өтті.
Ол өз жоспарын «барлығы мақұлдаған ғажайып келісім» деп сипаттап, тараптардың бұл жоспарды толық жүзеге асыру үшін жұмыс істеп жатқанын айтты.
Трамп сондай-ақ Беньямин Нетаньяхудың ұсынысқа «оң көзқарас танытқанын» және Түркия президенті Режеп Тайып Ердоғанмен де сөйлескенін, Ердоғанның Газа келісімі үшін үлкен күш жұмсап жатқанын мәлімдеді.
