САЯСАТ
2 ... минут оқылды
Трамп ХАМАС-пен нәтижелі келіссөздер жүргізілгенін мәлімдеді
Трамп жағдайдың бақылауда болатынын айтып, уақыттың маңызды екенін атап өтті.
Трамп ХАМАС-пен нәтижелі келіссөздер жүргізілгенін мәлімдеді
Трамп ХАМАС-пен нәтижелі келіссөздер жүргізілгенін мәлімдеді. / Reuters
 

АҚШ президенті Дональд Трамп Мысырда өтетін шешуші кездесудің алдында Газаға қатысты бітім ұсынысы жөнінде ХАМАС-пен жүріп жатқан келіссөздердің қарқынмен ілгерілеп жатқанын айтты.

Дональд Трамп «Truth Social» әлеуметтік желісінде жариялаған жазбасында:«Демалыс күндері ХАМАС-пен және әлемнің түкпір-түкпіріндегі (араб, мұсылман және өзге де) елдермен нәтижелі келіссөздер жүргізілді. Мақсат -  тұтқындарды босату, Газада соғысты тоқтату және ең бастысы Таяу Шығыста бейбітшілік орнату. Бұл келіссөздер өте нәтижелі өтті және қарқынды ілгерілеуде. Техникалық топ егжей-тегжейлерді нақтылап, жұмыс істеу үшін дүйсенбі күні Мысырда басқосады. Алғашқы кезең осы апта аяқталуы тиіс, сондықтан барлығынан тез әрекет етуді сұраймын»,  - деді ол.

АҚШ президенті жағдайды бақылайтынын айтып, «Уақыт маңызды, әйтпесе қантөгіс болуы мүмкін», - деп ескертті.

Мысыр келіссөздері

Жексенбі күні таңертең ХАМАС жетекшілерінің бірі Халил әл-Хайяның басшылығындағы делегацияның Мысырға келгені және олар бітім, Израиль армиясының шегінуі және тұтқын алмасу мәселелеріне қатысты келіссөз бастайтыны хабарланды.

Сапардың барысы мен күн тәртібінің нақты мазмұны жарияланбады.  Жаңа келіссөз Газада шамамен екі жылға созылған Израиль соғысын тоқтатуға бағытталған аймақтық және халықаралық күш-жігер аясында өтуде.

Израиль тарапы бұған дейін Трамптың Газа жоспары аясында ХАМАС-пен тұтқын алмасуға қатысты жанама келіссөз жүргізу үшін делегацияның дүйсенбі күні Мысырдың Қызылтеңіз жағалауындағы Шарм-эл-Шейх курортты қаласына баратынын хабарлаған болатын.

29 қыркүйек күні Дональд Трамп 20 тармақтан тұратын жоспарды ұсынды. ХАМАС жоспарды принципті түрде қолдайтынын мәлімдеп, келесі келіссөздердің Мысырда өткізілуі жоспарланып отырғанын жеткізді.

ҚатыстыTRT Қазақ - Трамп Газада бейбітшілік жоспарын ұсынбақ

Израиль армиясы 2023 жылдың қазан айынан бері Газада 67 мыңнан астам палестиналықты өлтірді. Олардың басым бөлігі әйелдер мен балалар.  Тұрақты әуе шабуылдары аймақты өмір сүруге жарамсыз етіп, жаппай қоныс аударуға, аштыққа және аурулардың таралуына әкелді.

Іздеу
Байрамов: «Әзербайжан мен Түркияның бауырластығы одан әрі нығаяды»
Аккую АЭС-інің бірінші блогын іске қосуға бір қадам қалды
Путин Си Цзиньпинмен кездесті
Түркия Анталия–Газа климаттық дәлізін құруды ұсынды
Австралия Батыс Шериядағы заңсыз қоныстарға байланысты израильдіктерге санкция салды
АҚШ Иранның Кешм аралына бірнеше рет шабуыл жасады
Ле Пен Франция президенті болып сайланса, Украинаға берілетін көмекті тоқтататынын мәлімдеді
«Түркия – Еуропа қауіпсіздігіндегі маңызды ойыншы және НАТО-ның таптырмас одақтасы»
Моңғолия президенті жемқорлық айыптауларына байланысты отставкаға кететінін мәлімдеді
Ресей: «Украина Қырым көпіріне қайта шабуыл жасады»
Түркия климат мектебінде табиғи апат қаупін азайту жолдары талқыланды
Вэнс: «Трамп әкімшілігі Ирандағы соғыстың ұзаққа созылуына жол бермейді»
Трамп Қытай және Ресей басшыларымен кездеседі
Еуропаның бес елі мигранттарды Руандаға көшіруді жоспарлап отыр
Министр Фидан: «Түркияның жетекші рөлі халықаралық деңгейде мойындалуда»