Түркия Республикасы Сыртқы істер министрі Хакан Фидан әлеуметтік желідегі парақшасында мынадай мәлімдеме жасады:
«Америка Құрама Штаттары (АҚШ) мен Иран арасындағы соғысты тоқтату мақсатында қол жеткізілген келісімді құптаймыз.
Аталған келісім — өңірде бейбітшілік пен тұрақтылықты қамтамасыз ету жолындағы маңызды кезең. Қосымша келіссөздердің де сындарлы жалғасатынына үміттенеміз.
Осы маңызды қадам басқан тараптарды, сондай-ақ делдалдық атқарған Пәкістанды және ең алдымен Катарды, сондай-ақ үдеріске үлес қосқан өзге мемлекеттерді құттықтаймыз.
Қол жеткізілген келісімді бұзуға бағытталған әрекеттердің алдын алу және өңірлік бейбітшілік пен қауіпсіздікті сақтау үшін барлық мүдделі елдің байыпты әрі жауапты ұстаным танытуы аса маңызды.
Түркия ретінде біз аса құрметті президентіміздің жетекшілігімен бұл үдеріске басынан бастап зор қолдау көрсетіп, елеулі күш-жігер жұмсадық. Өңірімізде бейбітшілік, тыныштық және тұрақтылықты қамтамасыз етуге бағытталған қолдауымыз үздіксіз жалғасады».
