Иран БАҚ-тарының хабарлауынша, АҚШ пен Израильдің әуе соққылары жексенбі күні Тегеранның солтүстігінде орналасқан Ганди ауруханасын нысанаға алды.
Мемлекеттік телеарнада көрсетілген бейнежазбаларда аурухананың сынған терезелері мен ғимарат қасбетінің кейбір бөліктеріне зақым келгені байқалады. Шабуылдан кейін аурухана айналасында қауіпсіздік шаралары күшейтіліп, медициналық топтар ғимарат ішінде тексеру жұмыстарын жүргізді. Кадрларда медбикелердің жаңа туған нәрестелерді ауруханадан шұғыл эвакуациялап, басқа жерге ауыстыруға тырысқан сәттері көрсетілген.
Бұған дейін Иран Қызыл Жарты ай қоғамы өздерінің орталық ғимараты мен бірнеше аурухананың шабуылға ұшырағанын растайтын бейнежазбаларды жариялаған болатын.
АҚШ пен Израиль сенбі күні Иранға қарсы кең ауқымды шабуыл бастад, бұл операция барысында Иранның рухани көсемі Әли Хаменеиді қоса алғанда, бірнеше жоғары лауазымды жетекшілер өлтірілді. Иран бұған жауап ретінде Израильді, АҚШ нысандарын және Парсы шығанағының бірнеше елін нысанаға алған ұшқышсыз ұшақтар мен зымырандар арқылы қарымта соққы берді.
Естеріңізге сала кетейік, Израиль мен АҚШ өткен жылдың маусым айында Иранға осыған ұқсас шабуыл жасаған болатын, бұл оқиға атысты тоқтату жарияланғанға дейін 12 күндік соғысқа ұласқан еді.
