Түркия Республикасының президенті Режеп Тайып Ердоған Балыкесирде Түрік Әуе күштеріне тиесілі «F-16» жойғыш ұшағының құлауы салдарынан ұшқыштың қаза тапқанын хабарлап, апаттың себептерін анықтау үшін тексеру мен тергеу жұмыстарының басталғанын мәлімдеді.
Сәрсенбі күні Анкарада өткен іс-шарада сөз сөйлеген Ердоған бұл қазаға қатты қайғырғанын айтып, Әуе күштерінің ұшқышы майор Ибрагим Болатқа дұға оқыды және оның отбасына, Түрік Әуе күштеріне, бүкіл түрік халқына көңіл айтты.
Президенттің айтуынша, апаттың қалай болғанын анықтау үшін құзырлы органдар жан-жақты тергеу жұмыстарын бастап, тиісті мекемелер барлық қажетті шараларды жүзеге асыруда.
Бұған дейін Ұлттық қорғаныс министрлігі ұшақпен байланыс жоғалғаннан кейін әскери ұшақтың құлағанын мәлімдеген болатын.
Министрлік ақпаратына сәйкес, ұшақ жергілікті уақытпен 00:56-да (сейсенбі 21:56 GMT) Балыкесирдегі тоғызыншы негізгі авиация базасынан ұшып шыққан.
