СПОРТ
2 ... минут оқылды
Месси 21 жылдық мансабын аяқтады
Аргентина құрамасының капитаны Бенинге қарсы 3:0 есебімен аяқталған жолдастық кездесуде бір гол соғып, екі нәтижелі пас беріп, ұлттық құрамадағы 21 жылға созылған ерекше мансабын аяқтады.
Месси 21 жылдық мансабын аяқтады
Аргентиналық Лионель Месси ұлттық құрама сапындағы соңғы ойыны — Бенинге қарсы өткен жолдастық футбол матчынан кейін. Буэнос-Айрес, Аргентина. / AFP
 

Аргентина құрамасының капитаны Бенинге қарсы 3:0 есебімен аяқталған жолдастық кездесуде бір гол соғып, екі нәтижелі пас беріп, ұлттық құрамадағы 21 жылға созылған ерекше мансабын аяқтады.

Сейсенбі күні «Монументаль» стадионында 85 мыңнан астам жанкүйердің алдында өткен бұл қоштасу матчы жай ғана футбол кездесуі емес, Мессидің ұлттық құрама сапында қол жеткізген жетістіктерін ұлықтаған ұлттық мерекеге айналды.

Ел астанасындағы көрнекті ғимараттар құраманың көгілдір және ақ түстерімен жарықтандырылып, жанкүйерлер Аргентинаның мемлекеттік әнұранын зор ықыласпен шырқады. Отшашулар стадион аспанын жарқыратты.

Мессидің отбасы Аргентинаның 1978, 1986 және 2022 жылдары әлем чемпионы атанған құрамдарында ойнаған бірқатар футболшымен бірге тарихи сәтті трибунадан тамашалады.

Матч басталардан бірнеше сағат бұрын Мессидің туған қаласы Росариодағы Ұлттық ту монументінде «Gracias» («Рақмет») деген жазуы бар 10-нөмірлі алып жейде жайылды.

Команда автобусы Мессидің есімі берілген жаттығу базасынан шыққан кезде жол бойына жиналған мыңдаған адамды көрген футболшы көз жасына ерік берді.

Командалар алаңға шыққан соң матч алдындағы қол алысу кезінде Бенин капитаны Мессиге сыйлық пен хат табыстады. Осы сәтте толқыған Мессиге сөйлеу қиынға соқты.

«Месси, Месси» ұрандары

Гол соғылмаған бірінші таймнан кейін Месси Николас Отамендидің Аргентина сапындағы алғашқы голды соғуына нәтижелі пас берді.

Ұлттық құрамада Мессимен бірге төрт әлем чемпионатын қоса алғанда 17 жыл ойнаған Отаменди де осы матчтан кейін ұлттық құрамадағы мансабын аяқтады.

Кейін Месси Аргентинаның 10-нөмірлі жейдесінің ықтимал мұрагерлерінің бірі саналатын Нико Пастың екінші гол соғуына нәтижелі пас берді.

Одан кейін Месси пенальтиді дәл орындап, есепті 3:0-ге жеткізді және ұлттық құрама сапындағы 126-голын соқты. Осы сәтте трибунадан тағы бір мәрте «Месси, Месси» ұраны естілді.

Матч аяқталған соң командаластары, қарсылас ойыншылар мен төреші Мессиді құшақтау үшін оның айналасына жиналды. Артынша Мессидің Аргентина құрамасындағы айтулы мансабының аяқталуына орай аспанда әсерлі дрон шоуы ұйымдастырылды.

Месси Аргентина құрамасы сапында ең көп матч өткізген (208) әрі ең көп гол соққан футболшы ретінде тарихта қалды.

Аргентина ұзақ жылдар бойы Мессиден жеңіс күтті. Ал сейсенбі күні халық оған тек «Рақмет» айту үшін жиналды.

Іздеу
Байрамов: «Әзербайжан мен Түркияның бауырластығы одан әрі нығаяды»
Аккую АЭС-інің бірінші блогын іске қосуға бір қадам қалды
Путин Си Цзиньпинмен кездесті
Түркия Анталия–Газа климаттық дәлізін құруды ұсынды
Австралия Батыс Шериядағы заңсыз қоныстарға байланысты израильдіктерге санкция салды
АҚШ Иранның Кешм аралына бірнеше рет шабуыл жасады
Ле Пен Франция президенті болып сайланса, Украинаға берілетін көмекті тоқтататынын мәлімдеді
«Түркия – Еуропа қауіпсіздігіндегі маңызды ойыншы және НАТО-ның таптырмас одақтасы»
Моңғолия президенті жемқорлық айыптауларына байланысты отставкаға кететінін мәлімдеді
Ресей: «Украина Қырым көпіріне қайта шабуыл жасады»
Түркия климат мектебінде табиғи апат қаупін азайту жолдары талқыланды
Вэнс: «Трамп әкімшілігі Ирандағы соғыстың ұзаққа созылуына жол бермейді»
Трамп Қытай және Ресей басшыларымен кездеседі
Еуропаның бес елі мигранттарды Руандаға көшіруді жоспарлап отыр
Министр Фидан: «Түркияның жетекші рөлі халықаралық деңгейде мойындалуда»