«2026 жылдың бес айында экспорт көлемі бойынша рекорд жаңартып, тарихи жетістікке қол жеткіздік», – деді Ердоған.

Түркия президенті Режеп Тайып Ердоған «Nsosyal» әлеуметтік желісіндегі парақшасында экспорт көрсеткіштеріне қатысты мәлімдеме жасады.

Ердоғанның айтуынша, жыл басынан бері экспорт 5,2 пайыз артып, 211 миллиард долларға жеткен.

«Қыркүйек айында экспорт көлемі 26 миллиард долларға жетіп, ел тарихындағы ең жоғары қыркүйек айы көрсеткішіне қол жеткіздік. Осылайша 2026 жылдың бес айында экспорт бойынша рекорд жаңартып, тарихи нәтижеге жеттік. Жылдық экспорт көлемі 287,3 миллиард долларға жетіп, бұрын-соңды болмаған ең жоғары деңгейге көтерілді. Өңірімізде бірінен соң бірі туындаған соғыстар мен дағдарыстарға қарамастан, еліміз даму мен экономикалық өсімді табанды түрде жалғастырып келеді. Инвестиция, өндіріс, экспорт және жұмыспен қамтуды басымдыққа қоятын көзқараспен алдағы уақытта да жаңа жетістіктерге бірге қол жеткіземіз», – деді ол.