Кремльдің баспасөз хатшысы Дмитрий Песков Ресейдің Украина дағдарысын реттеуге бағытталған келіссөздерді Түркияның араағайындығымен қайта бастауға дайын екенін мәлімдеді.
«Бұл мәселеде түрік тарапына ризашылығымызды білдіреміз», – деді ол.
Дмитрий Песков Мәскеуде журналистердің сауалдарына жауап беріп, күн тәртібіндегі мәселелерге тоқталды.
Оған: «Түркияның Сыртқы істер министрі Хакан Фидан Анкараның Ресей мен Украина арасындағы келіссөздерді ұйымдастыру жұмысын жалғастыратынын айтты және мәселені шешуге бағытталған дипломатиялық күш-жігерге тоқталды. Кремль Украина мәселесі бойынша келіссөздердің Түркияның араағайындығымен қайта басталу мүмкіндігін қалай бағалайды?» – деген сұрақ қойылды.
Песков бұл сұраққа былай деп жауап берді:
«Түркиядағы достарымыздың Украинадағы жағдайды бейбіт жолмен реттеуге бағытталған бастамаларды жалғастыруға дайын екенін білеміз. Бұл мәселеде түрік тарапына ризашылығымызды білдіреміз. Таяуда келіссөздерді қайта бастауға мүмкіндік бар деп айтуға негіз жоқ. Біз мұндай жағдайды көріп отырған жоқпыз. Соған қарамастан Ресей тарапы келіссөздерге дайын».
