Ақпан айында басталған АҚШ-Израиль шабуылдарында қаза тапқан Иранның рухани көсемі Әли Хаменеи үшін ұйымдастырылған мемлекеттік рәсімге қатысу үшін Иранға барған Йылмаз «X» әлеуметтік желісінде кездесу туралы жазба жариялады.
Йылмаз: «Бауырлас Иран халқының өткен кезеңде бастан кешкен ауыртпалығына ортақпыз. Түркия ретінде өңірімізде бейбітшілік пен тұрақтылықтың берік орнығуына, диалог арналарының күшеюіне және соғыстан кейінгі қалыпқа келу үдерісіне қолдау көрсетуге бағытталған жұмыстарға үлес қосуды жалғастырамыз», - деді.
Йылмаз Түркия мен Иран қарым-қатынастарын барлық салада одан әрі дамыту үшін ирандық әріптестерімен ынтымақтастықты жалғастыратындарын атап өтті.
Вице-президент: «Мені қабылдағаны үшін құрметті президентке алғыс білдіремін. Әли Хаменеимен қатар барлық қаза тапқан ирандық бауырларымызға Алладан рақым тілеймін. Дос әрі бауырлас Иран халқына көңіл айтамыз», - деді.
