Түркия президенті Режеп Тайып Ердоған Анкараның Иранға қатысты ұстанымы айқын екенін айтып, Түркияның әрдайым соғысты емес, бейбітшілікті қолдайтынын атап өтті.
Елдің Ирандағы атысты тоқтату үшін жасап жатқан күш-жігеріне тоқталған Ердоған: «Атысты тоқтату режимінің орнатылуы және келіссөз үстеліне қайта оралуы үшін қарқынды жұмыс істеп жатырмыз», - деді.
Президент: «Соғыс күшеймей тұрып, от шеңбері кеңеймей тұрып, адамдар зардап шекпей, қан төгілмей тұрып бұл өртті сөндіруге тырысып жатырмыз», - деді.
Израиль үкіметінің әрекеттерін қатаң сынға алған Ердоған: «Әр түнін бомбадан қорғану бункерлерінде өткізетін Израиль халқының өзі Холокосттан кейін бастарына түскен ең үлкен апат Нетаньяху екенін ашық айтып жүр», - деді.
АҚШ пен Израиль 28 ақпанда Иранға бірлескен шабуыл бастады. Бұл шабуылдарда Иранның рухани көсемі Әли Хаменей, сондай-ақ 150-ден астам оқушыны қоса алғанда 1300-ден астам адам қаза тапты.
Ал Тегеран жауап ретінде Израиль, Иордания, Ирак және АҚШ әскери күштері орналасқан Парсы шығанағы елдеріндегі нысандарға бағытталған ұшқышсыз ұшу аппараттары мен зымырандар арқылы соққы бергенін хабарлады.
