Компанияның бас директоры Илон Маск сәрсенбі күні «Starlink» Шри-Ланкада интернет қызметін қосқанын растады. Маск «X» желісіндегі мәлімдемесінде «Starlink» енді Шри-Ланкада қолжетімді!»,- деді.

Компания өткен ай Бангладеште де қызмет көрсетуді бастаған болатын. Осы жылдың наурыз айында Пәкістан «Starlink»-ке Пәкістанда жұмыс істеу үшін уақытша қарсылық жоқ деген құжат ұсынды.

Жыл басында Үндістанның екі телеком алпауыты «Bharti Airtel» мен «Reliance Jio» «Starlink»-тің интернет қызметін алу үшін «SpaceX»-пен келісім жасады.

Америкалық миллиардер Илон Масктың «SpaceX» компаниясының бір бөлігі «Starlink» қазір 125-тен астам ел мен аймақта жұмыс істеп, ауқымын кеңейтуде. Компания жердің төменгі орбитасындағы спутниктер тобын пайдаланып, шалғайда орналасқан немесе интернет қызметі жеткіліксіз аймақтарға интернет жеткізеді.