Түркияның әуе компаниялары Таяу Шығыстағы шиеленістің ушығуына байланысты Иран, Ирак, Сирия, Ливан және Иордания бағытындағы барлық рейсті 6 наурызға дейін тоқтатты.
Көлік және инфрақұрылым министрі Абдулкадир Уралоғлу билік жағдайды жіті бақылап отырғанын және авиациялық қауіпсіздікті қамтамасыз ету үшін қажетті шаралар қабылданғанын мәлімдеді.
Уралоғлу Иран, Израиль, Ирак, Катар, Бахрейн, Кувейт, Иордания және Сирияның оңтүстік бөлігі бойынша әуе кеңістігін жабу жөніндегі NOTAM хабарламаларының күшінде екенін және аталған әуе кеңістіктері ресми түрде жабылғанын айтты.
Министрдің айтуынша, Оман, Сауд Арабиясының бір бөлігі және Ливанда азаматтық рейстер жалғасып жатыр. Сонымен қатар Біріккен Араб Әмірліктерінде төтенше жағдай шаралары аясында әуе қозғалысы қайта бағытталуда, ал “Emirates” пен “Etihad Airways” рейстерін дүйсенбі күні қайта бастау жоспарланып отыр.
Шара ұзартылуы мүмкін
Түркияның төмен бюджетті әуе тасымалдаушысы “Ajet”-тің қазіргі уақытта аймақ шегінде қалып қойған ұшағы жоқ.
Түрік әуе тасымалдаушылары шектеу қойылған барлық әуе кеңістіктерінен айналып өту үшін рейстерін балама бағыттарға бағдарлауда.
Уралоғлу жағдай өзгермесе, шара ұзартылуы мүмкін екенін қосты.
