“SAHA İstanbul” төрағасы Халук Байрактар: «Еліміз ‘SAHA 2026’ көрмесінде тарихи рекорд орнатты», - деді.
“SAHA İstanbul” директорлар кеңесінің төрағасы Халук Байрактар “SAHA 2026” халықаралық қорғаныс және аэроғарыш көрмесінің алғашқы үш күнінде түрік компаниялары шамамен 8 миллиард доллар көлемінде экспорттық келісімшартқа қол қойғанын хабарлады.
Байрактар жұма күні “X” платформасында жасаған мәлімдемесінде «Осы мақтанышқа толы жетістікке үлес қосқан “SAHA İstanbul” ұйымының барлық мүшелерін шын жүректен құттықтаймын. “SAHA 2026” көрмесінде еліміз тарихи рекордқа қол жеткізді», -деді.
Түрік компаниялары 5–9 мамыр аралығында “İstanbul Expo Center”-де өтіп жатқан “SAHA 2026” көрмесінде өздерінің ең жаңа әрі озық өнімдерін таныстыруда. Іс-шараны Түркия мен Еуропадағы ең ірі қорғаныс, авиация және ғарыш өнеркәсібі кластері ұйымдастырып отыр.
“TEI” бас директоры Түркияның авиациялық қозғалтқыш саласын кеңейту аясында экспортты арттыруды көздейді
Түрік авиация және ғарыш өнеркәсібі компаниясының (TEI) бас директоры Махмут Фарук Акшит компанияның жаһандық авиациялық жеткізу тізбегіндегі рөлін кеңейтіп жатқанын және сонымен қатар отандық қозғалтқыш өндірісін дамыту жұмыстарын жеделдеткенін айтты.
Стамбулдағы “SAHA” халықаралық қорғаныс көрмесінде “Анадолы”агенттігіне берген сұхбатында Махмут Фарук Акшит “TEI” компаниясының авиация саласында Түркия үшін стратегиялық маңызы бар қозғалтқыш технологияларын өндіру және бөлшектер мен модульдер жасау арқылы халықаралық авиациялық қозғалтқыш бағдарламаларын қолдау сияқты екі негізгі міндет атқаратынын атап өтті.
Акшиттің айтуынша, компанияның негізгі қызметтерінің бірі — бөлшектер мен модульдер өндіру, әрі “TEI” экспорты тұрақты түрде өсіп келеді.
Ол өткен жылы экспорт көлемі жарты миллиард долларға жақындағанын және өндірілген бөлшектердің 50-ден астам әртүрлі қозғалтқыш бағдарламасында қолданылғанын айтты.
