Ресей Сыртқы істер министрлігінің ресми өкілі Мария Захарова орыс шенеуніктің даулы мәлімдемесінен кейін ТАСС агенттігіне берген сұхбатында Ресейдің Қарабахты Әзербайжан жері ретінде танитынын растады.
Захарова: «Ресей бұл аймақты ресми түрде Әзербайжан аумағы деп таниды», – деді.
Ресей Президенті әкімшілігінің кеңесшісі Владимир Мединский бұған дейін Қарабахтағы жағдайдың тарихи, әлеуметтік және мәдени қырларына қатысты мәлімдемелер жасап, сынға ұшыраған болатын.
«Армения мен Әзербайжан арасындағы даулы аумақ» деп сипаттауына байланысты Украинамен өткен соңғы екі келіссөздің басты өкілі болған Мединскийді Әзербайжан Сыртқы істер министрлігі тарихи шындықты бұрмалады деп айыптады.
Захарова Мединскийдің «тек қана қарулы қақтығыс төңірегіндегі трагедияға» қатысты пікір білдіргенін атап өтіп, «контекстен тыс, болмаған тұжырымдарды жасау және сөздердің орнын ауыстыру арқылы» айтылған сөздерге мүлде басқа мағына жүктеуден аулақ болу керек екенін айтты.
Баку мен Ереван арасындағы қарым-қатынас 1991 жылы армян күштерінің халықаралық қауымдастық Әзербайжан аумағы ретінде таныған Қарабах пен оның айналасындағы жеті өңірді басып алуымен күрт нашарлаған болатын.
2020 жылдың күзіне қарай Әзербайжан 44 күнге созылған соғыс кезінде бірнеше қала, ауыл және елді мекенді армян оккупациясынан азат етті.
Қақтығыс Ресейдің араағайындығымен жасалған бітім арқылы тоқтатылып, тараптар арасындағы қарым-қатынасты қалыпқа келтіру жөнінде келіссөздер басталды.
