Ресей Қорғаныс министрлігі сейсенбі күні мемлекеттік БАҚ-қа берген мәлімдемесінде Киев Женева келіссөзі алдында шабуылдарын күшейткенін айтып, Ресей түн ішінде 150-ден астам Украинаның ұшқышсыз әуе аппаратын тойтарғанын хабарлады.
Министрлік «Түні бойы әуе қорғанысы күштері Ресей аумағында, сондай-ақ Қаратеңіз бен Азов теңізі үстінде Украинаға тиесілі 151 ұшқышсыз әуе аппаратын жойды», - деп мәлімдеді.
Ресей аннексиялаған Қырымдағы Севастополь қаласының губернаторы Михаил Развожаев бұл шабуылдардың соңғы уақыттағы ең ауқымды шабуылдардың бірі болғанын айтып, ондаған әуе аппаратының атып түсірілгенін жеткізді.
Развожаев «Telegram»-дағы жазбасында «Өкінішке қарай, жараланғандар бар. Алғашқы мәліметтерге сәйкес, бір бала жараланды», - деді.
Ақ Үйдің арағайындығымен бұған дейін екі рет өткен келіссөздерде айтарлықтай ілгерілеу болмаған. Тараптар сейсенбі күні АҚШ қолдауымен жаңа дипломатиялық келіссөз кезеңін бастайды.
Ресей Украинаның шамамен бестен бір бөлігін бақылауда ұстап отыр, алайда Киев соңғы уақытта майдан шебінде белгілі ілгерілеуге қол жеткізді.
«AFP» агенттігінің Соғыс зерттеулері институтының деректеріне жасаған талдауына сәйкес, Украина сәрсенбі мен жексенбі аралығында 201 шаршы шақырым аумақты қайта бақылауына алған.
