САЯСАТ
2 ... минут оқылды
Бейбітшілік кеңесінің арнайы өкілі Газадағы жағдайдың өте ауыр екенін ескертті
Николай Младенов БҰҰ Қауіпсіздік Кеңесінде сөйлеген сөзінде негізгі қызметтердің соғысқа дейінгі деңгейден әлдеқайда төмен екенін және денсаулық сақтау жүйесінің толық күйреу қаупімен бетпе-бет тұрғанын мәлімдеді.
Бейбітшілік кеңесінің арнайы өкілі Газадағы жағдайдың өте ауыр екенін ескертті
Бейбітшілік кеңесінің арнайы өкілі Газадағы жағдайдың өте ауыр екенін ескертті / Reuters

Газа бойынша Бейбітшілік кеңесінің жоғары лауазымды өкілі Николай Младенов Газадағы жағдайдың «аса ауыр» екенін айтты.

БҰҰ Қауіпсіздік Кеңесінің Палестина мәселесіне арналған отырысында сөз сөйлеген Младенов: «Бірінші кезеңнің жүзеге асырылуымен белгілі бір ілгерілеу болғанына қарамастан, Газадағы жағдай аса ауыр», – деді.

Ол: «Негізгі қызметтер соғысқа дейінгі деңгейден әлдеқайда төмен. Денсаулық сақтау жүйесі күйреу алдында. Қалыпты экономика жоқ», – деп қосты.

Младенов үш шұғыл басымдықты атап өтті. Оның айтуынша, бірінші кезектегі мәселе – Рафах шекара өткелінің ашық қалуы және адамдардың Газаға кіріп-шығуына мүмкіндік беру. Ол «Өткел жұмысына енгізілетін кез келген шектеу атысты тоқтатудың екінші кезеңін жүзеге асыруға тікелей кедергі келтіреді»,- деп ескертті.

Ол қазіргі жеткізілім көлемі қажеттілік деңгейіне сай емес екенін айтып, Газаға кіретін жүк көліктерінің санын арттыру қажет екенін атап өтті.

Сондай-ақ арнайы өкіл: «Инфрақұрылым дайын, бірақ қолжетімділікті жақсарту керек. 2 миллионнан астам адам ауыр жағдайда өмір сүруді жалғастыра алмайды», – деп уақытша баспана мәселесін жедел шешуге шақырды.

ҚатыстыTRT Қазақ - “Газа мәселесі бойынша Бейбітшілік кеңесі мен БҰҰ бірлесіп жұмыс істеуде”

Гуманитарлық көмек тапшылығы жалғасуда

«Ешбір жоспар мінсіз болмайды», – деген Младенов атысты тоқтату келісімінің толық орындалуын талап етті. Бұл құжаттың қарусыздану, қайта қалпына келтіру, азаматтық басқаруға көшу және Палестина институттарын қайта біріктіруді кезең-кезеңімен қарастыратынын айтты.

«Егер біз израильдіктер мен палестиналықтар арасындағы бейбітшілікті ілгерілетуге шын мәнінде мүдделі болсақ, онда бұл жоспарды жүзеге асыруға да дәл сондай байыппен қарауымыз керек», – деген Николай Младенов АҚШ-тың гуманитарлық көмек көрсету ісінде жеткіліксіз нәтижеге қол жеткізгенін мойындады.

Сол отырыста АҚШ елшісі Майк Уолтц: «Әрине әлі де көп жұмыс істеу қажет. Алдымызда еңсеретін ұзақ жол бар», – деп Вашингтонның Газадағы және Газаның ішінде гуманитарлық көмекке қолжетімділікті арттыру үшін осы мекемедегі серіктестерімен күн сайын жұмыс істеп жатқанын айтты.

Уолтц сондай-ақ тұрақты баспана мен денсаулық сақтау қызметтеріне қажеттілік бар екенін атап өтіп, соңғы айларда Газаға апта сайын 4 мыңнан астам гуманитарлық жүк көлігі кіргенін, алайда бұл көрсеткіштің кейіннен төмендегенін жеткізді.

 

Іздеу
Еуропаның бес елі мигранттарды Руандаға көшіруді жоспарлап отыр
АҚШ-та әуе қатынасындағы іркілістер әлі  жалғасуда
Ресейді соғысты жалғастыру үшін сылтау іздеп отыр деп айыптады
Ресей Украинаның 1300-ден астам ұшқышсыз ұшу аппаратын атып түсіргенін мәлімдеді
COP31 төрағасы: “Әр елдің даму жолы әртүрлі, бірақ болашағымыз ортақ”
АҚШ және 9 ел жасанды интеллект қауіпсіздігі саласындағы ынтымақтастықты нығайтады
Эстония 1 желтоқсаннан бастап Ресеймен шекарасын жабады
Израильде сайлау кезіндегі арандатушылыққа Нетаньяхудың қатысы бар деген күдік туды
«Түркия Палестинаны қолдауды жалғасырады»
НАТО-ның келесі саммиті Албанияда өтеді
Президент Ердоған: «Палестина күресін барлық мінберде қорғаймыз»
Президент Ердоған COP31 аясында қарқынды дипломатиялық кездесулер өткізуде
Украина Ресейдің Волгоград қаласына шабуыл жасады
«Көшбасшылардың COP31 саммитінде танытқан табандылығы Париж климаттық келісімі үшін үміт ұялатады»
Трамп қызметінен кетпес бұрын Куба мәселесін шешуді көздеп отыр