Түркия мен АҚШ ядролық энергетика саласындағы серіктестікті тереңдету мақсатында өзара түсіністік туралы меморандумға қол қойды.

Түркия президенті Режеп Тайып Ердоғанның Ақ Үйге сапары аясында екі ел ядролық энергетика саласындағы терең тамырлы және көпқырлы серіктестікті одан әрі нығайту процесін бастады. Бұл туралы Түркия Энергетика және табиғи ресурстар министрі Алпарслан Байрактар мәлімдеді.

«Біз көшбасшылардың алдында АҚШ Мемлекеттік хатшысы Марко Рубиомен бірге Стратегиялық Азаматтық Ядролық Ынтымақтастық туралы өзара түсіністік меморандумына қол қойдық», – деді министр.

Ол сөзін жалғастырып, «Келісім аясында жүргізілетін жұмыстар алдағы уақытта екі ел үшін де өзара тиімді нәтижелер береді деп үміттенемін», – деді.