Түркия Сыртқы істер министрі Хакан Фидан шиеленісті төмендету және шабуылдарды тоқтату мақсатында Иран, Катар, Сауд Арабиясы, БАӘ, Франция, Испания және Иорданияны қоса алғанда бірқатар елдің сыртқы істер министрлерімен телефон арқылы сөйлесті.
Фидан 28 ақпанда АҚШ пен Израильдің Иранға жасаған бірлескен шабуылдарынан кейін шиеленісті ы тоқтату мәселесін талқылау мақсатында Иран, Ирак, Сауд Арабиясы, Катар, Сирия, Мысыр және Индонезияның сыртқы істер министрлерімен сөйлесті.
Сонымен қатар ол Біріккен Араб Әмірліктері, Испания және Венгриядағы әріптестерімен де телефон арқылы пікір алмасты.
ЕО-ның сыртқы саясат жөніндегі жоғары өкілі Кая Калласпен сөйлескен министр қақтығысты тоқтатуға бағытталған дипломатиялық бастамаларды талқылады.
Фидан Иран Сыртқы істер министрі Аббас Аракчимен өткізген келіссөзден бөлек Оман Сыртқы істер министрі Сайид Бадр Хамад әл-Бусаидимен де жағдайды талқылады.
Дүйсенбі күні Сыртқы істер министрі Фидан Әзербайжан Сыртқы істер министрі Жейхун Байрамовпен өңірдегі қақтығысты тоқтату жолдарын саралады. Сондай-ақ министр Болгарияның Сыртқы істер министрі Надежда Нейнскимен өңірлік қақтығыстардың өзара ықпалы бойынша пікір алмасты.
Кейін Фидан Франция Сыртқы істер министрі Жан-Ноэль Барромен өңірдегі ахуалды жан-жақты қарастырды. Тараптар шиеленісті азайту және шабуылдарды тоқтату үшін жасалатын нақты қадамдарды да талқылады.
Фидан және иорданиялық әріптесі Айман Сафади шабуылдарды тоқтату, шиеленісті төмендету және тиісті тараптармен дипломатиялық күш-жігерді күшейту мәселелеріне басымдық берді.
