Үш аптадан бері жалғасып келе жатқан соғыстан кейін Трамп әкімшілігі Иранмен бейбіт келіссөздерді айқындауға қатысты алдын ала талқылауларды бастады. “Axios” бұл ақпаратты АҚШ шенеуніктері мен жақын дереккөздерге сүйеніп жариялады.
АҚШ шенеуніктері болса қақтығыстар тағы екі-үш аптаға жалғасуы мүмкін деп болжайды. Осы аралықта кеңесшілер ықтимал дипломатиялық үдеріске негіз қалауда.
Дереккөздердің хабарлауынша, Трамптың арнайы өкілі Стив Уиткофф пен Джаред Кушнер бастапқы кезеңдегі талқылауларға қатысқан.
Тараптардың шарттары айқындала түсуде
Мысыр мен Катар АҚШ пен Израильге Иранның келіссөздерге ниетті екенін, алайда қатаң шарт қойғанын хабарлаған.
Иран шарттарының қатарында атысты тоқтату, қақтығыстардың қайта басталмайтынына кепілдік беру және өтемақы төлеу талаптары бар.
Трамп өтемақы талабын «қабылдауға болмайтын» талап деп атады.
Сыртқы істер министрі Аббас Аракчи бұған дейінгі келіссөздерде негізгі делдал қызметін атқарған болатын. Алайда АҚШ-тың кейбір шенеуніктері оның түпкілікті келісімді бекітуге жеткілікті өкілеті жоқ деп есептейді.
