Кремль: «Ресей, Украина, АҚШ арасындағы келесі келіссөз Стамбулда өтуі мүмкін»
Кремльдің баспасөз хатшысы Дмитрий Песков Украина мәселесіне қатысты келіссөзге қатысушылар Стамбулды келіссөз алаңы ретінде таңдағанын айтты.
Песков сейсенбі күні Мәскеуде өткен баспасөз мәслихатында Украина келіссөзіне қатысушы тараптардың Стамбулды келіссөз жүргізуге қолайлы платформа ретінде бағалайтынын, сондықтан кездесулердің осы қалада жалғасуы мүмкін екенін мәлімдеді.
Песков: «Әрине Стамбул тізімде бар және тараптар оны оң қабылдап отыр», - деді.
Сондай-ақ ол бұған дейінгі келіссөздерді ұйымдастырудағы қолдауы үшін Біріккен Араб Әмірліктеріне алғыс білдірді.
Кремль өкілі: «Әрине бәрі БАӘ осы үшжақты келіссөз үшін қолдауын жоғары бағалайды және келіссөзді ұйымдастырудағы көмегі үшін БАӘ басшылығына ризашылық білдіреді», – деді.
Песков Ресейдегі интернеттің үзілуіне тоқталып, қауіпсіздікті қамтамасыз ету мақсатында мұндай шектеулер жалғасатынын айтты.