Түркия Республикасының президенті Режеп Тайып Ердоған сенбі күні жасаған мәлімдемесінде Иран мен Ливандағы мектеп пен ауруханаларды нысанаға алған «қанқұмар желіні» айыптап, бұл оқиғалардың Газадағы жойқын қирандыны еске түсіретінін білдірді.
Стамбулда өткен ауызашар бағдарламасында сөз сөйлеген Ердоған аймақта зорлық-зомбылық жайылып жатқан тұста азаматтық инфрақұрылымдардың әлі де нысанаға алынып отырғанын айтты.
Ердоған: «Газадағы сияқты Иран мен Ливанда да мектептер мен ауруханаларды атқылаған қанқұмар желі өз шабуылдарын жалғастыруда», — деді.
Президент аймақта шиеленіс күшейген кезеңде Түркияның сабырлылық пен дипломатиялық шешімге шақыратын елдердің қатарында екенін баса айтты.
Президент Режеп Тайып Ердоған: «Түркия біз бастан кешіп отырған осы «ақылдан адасу» жағдайында дағдарыстарды шешу үшін парасаттылықты, диалогты және дипломатияны қорғайтын көшбасшы елдердің арасында», — деп мәлімдеді.
Таяу Шығыстағы дағдарыс Израиль мен АҚШ-тың 28 ақпанда Иранға қарсы бірлескен шабуылдар бастауынан кейін тіпті ушыға түсті.
