Иерусалим губернаторлығының хабарлауынша, жексенбі күні Израиль күштері қаланың солтүстігіндегі Атарот өнеркәсіп аймағы маңында оккупациядағы Шығыс Иерусалимге кіруге тырысқан 12 палестиналық жұмысшыны ұстаған.
Палестинаның ресми “WAFA” ақпарат агенттігі Израиль күштерінің тұзақ құрып ұстаған бұл жұмысшылардың денсаулық жағдайы мен нақты қайда екені белгісіз екенін хабарлады.
“WAFA” мәліметінше, оккупациядағы Батыс Шерияның орталық бөлігінде Израиль күштері Рамалланың шығысындағы бірнеше ауылға рейд жасап, оқ-дәрі қолданған және үйлерді басып алып, әскери бекіністерге айналдырған.
Израиль күштері Бетлехем ауылдық аймағының батыс кіреберісінде әскери бақылау бекетін орнатып, көліктерді тоқтатып, өтіп бара жатқан адамдардың жеке куәліктерін тексерген.
Агенттіктің қосымша мәліметіне сәйкес, Израиль әскері Бетлехемнің оңтүстігіндегі әл-Хадер ауылына да рейд жасап, үш палестиналықты қамауға алған.
2023 жылғы 8 қазанда басталған Ғаза соғысы кезеңінде тек оккупациядағы Батыс Шерияның өзінде Израиль күштері мен заңсыз қоныстанушылардың шабуылдарынан 1 133 палестиналық қаза тапты, шамамен 11 700 адам жараланды және 22 000 адам тұтқындалды.
