Иран медиасы бейсенбі күні елдің стратегиялық Ормуз бұғазы арқылы өтетін кемелерден төлемақы алуды міндеттейтін заң жобасын қарастырып жатқанын хабарлады.
«ISNA» агенттігінің мәліметінше, ұсынылып отырған заң жобасы әлемдегі ең маңызды энергия жеткізу бағыттарының бірі саналатын теңіз дәлізін пайдаланатын кемелерге транзиттік төлем енгізуді көздейді.
Тегерандық депутаттың айтуынша, бастама бұғазды тасымал, энергия жеткізу және азық-түлік тізбектері үшін «қауіпсіз өткел» ретінде пайдаланғандарға төлем мен салық төлеуді міндеттейді.
Депутат сондай-ақ бұғазды пайдаланатын елдер Иранға төлемақы мен салық төлеуі тиіс екенін атап өтті.
Бұл ұсыныс өңірдегі шиеленіс күшейген кезеңде көтерілді. Шабуыл барысында 1300 адам қаза тапты. Олардың ішінде сол кездегі рухани көсем Әли Хаменеи де бар.
Иран бұл шабуылдарға дрон және зымырандар арқылы жауап берді. Сонымен қатар тәулігіне шамамен 20 миллион баррель мұнай өтетін және әлемдік сұйытылған табиғи газ саудасының шамамен 20 пайызы жүзеге асатын аса маңызды мұнай дәлізі Ормуз бұғазын жауып, жаһандық энергия нарығына үлкен соққы берді.
