Президент Трамп Ирандағы жаңа басшылармен жүргізілген келіссөздерде ілгерілеу аз болғаннан кейін мәлімдемелерін қатаңдата түсті. Ол әлеуметтік желіде: «Біз Иранда қалған нысандарды жоюды әлі бастаған да жоқпыз. Келесі кезекте көпірлер, одан кейін электр станциялары тұр», — деп жазды.
Иран Сыртқы істер министрі Аббас Аракчи азаматтық нысандарға шабуыл жасау ирандықтарды тізе бүктіруге мәжбүрлей алмайтынын айтты.
Спутниктік суреттер Ормуз бұғазындағы стратегиялық маңызы бар Кешм аралынан түтін көтерілгенін көрсетті. Халықаралық құқық мамандары АҚШ күштерінің әрекеті мен жоғары лауазымды тұлғалардың мәлімдемелері ықтимал соғыс қылмыстарына қатысты үлкен алаңдаушылық туғызып отырғанын мәлімдеді. Трамптың Иранның азаматтық электр станцияларына қатысты қоқан-лоқысы және соғыс әрекеттерің тоқтатудың нақты мерзімін көрсетпеуі жаһандық нарыққа теріс әсер етіп, мұнай бағасын өсірді.
Ұлыбритания теңіз қатынасы еркіндігін қалпына келтіру жолдарын қарастыру үшін онлайн кездесу өткізді. БҰҰ Қауіпсіздік Кеңесі бұғаз маңындағы коммерциялық кеме қатынасын қорғауға бағытталған қарар жобасына дауыс бермек.
Соғыс басталғалы бері Таяу Шығыста мыңдаған адам қаза тауып, он мыңдаған адам жараланды. Жанармай тапшылығы Азия аумағында экономикалық қиындықтарға алып келді, ал Африкада экономикалық баяулау болуы мүмкін деген ескерту жасалды.
Дереккөз: “TRT Haber”
